妓女是最古老的行業之一，但一直被視為禁忌，人人避而不談。以為嫖客都是單身大叔？其實召妓人士越來越年輕，有性工作者更表示約6成嫖客都有伴侶，又形容「16歲已經係老雀」。到底什麼男人會嫖？年輕人又為何會召妓？
瑞典一項研究指，男性嫖妓的原因之一是好奇心，對妓女抱有性幻想。（《金雞sss》劇照）近1成港男過去6個月內曾嫖妓 1/4嫖客不戴安全套
香港中文大學公共衞生及基層醫療學院轄下的健康行為研究中心曾進行有關男嫖客的研究。研究中心在1998年至2010年間，共進行了9次全港性隨機電話調查，訪問17,328名年齡介乎18至60歲的香港男性居民。調查指在2010年，香港近1成男性過去6個月內曾嫖妓，當中33%年齡為30歲以下，約有4分之1嫖客沒有使用安全套的習慣。
性工作者指6成嫖客有伴侶
32歲一樓一性工作者車車（化名）回應《開罐》表示，嫖客其實「冇樣睇」。車車指6成嫖客都有伴侶，而且嫖客類型多樣，「樣樣都有啊，有美男有醜男，各行各業都有。」
銅鑼灣鳳嗚大廈是一樓一及時鐘酒店集中地，據聞放工時間會出現男性排隊嫖妓的情況。（資料圖片）「16歲嘅已經係老雀」
而且嫖妓不是成年人專利，16歲的少男已是常客，「16歲嘅已經係老雀，佢哋知道邊個姐姐服務好，邊個質素高，16歲已經知道行情。」車車認為，現在嫖妓普及化是因為網上很容易找到相關資詢，「而家上網有好多網站搵女仔，你一搜尋到，見到合適嘅就可以即刻去。同以前登報紙或者睇書仔嘅年代已經唔同。」
白石茉莉奈是日本的人氣人妻AV女優。性工作者車車表示，嫖客會受AV影響，尋找幻想中的理想女性。（資料圖片）嫖妓都會追潮流
車車又指，嫖妓亦講潮流，不少嫖客會因應時下流行的AV，光顧與電影主角相似的性工作者。「有一期興人妻，就專搵年紀大嘅姐姐。或者有時佢哋睇完SM，就會搵一啲SM嘅姐姐。」
瑞典學者歸納嫖妓5種人
瑞典哥特堡大學（Gothenburg University）學者Sven-Axel Månsson於2003年，就曾發表論文，分析歐美研究數據，綜合出5個男性嫖妓的原因：
對妓女有性幻想：對妓女感到好奇、著迷或厭惡，認為「淫蕩妓女」（dirty whore）形象尤其能引起性慾。其他女性不能滿足性要求：認為只有妓女才能滿足某種性行為。找不到伴侶：由於害羞、恐懼、年老、殘疾等原因，而認為自己不能找到性伴侶。性是明買明賣的貨品：視性愛為商品。以表男性主導地位：為了反抗現代女性的地位提升，以嫖妓來滿足男性主導的渴望。
香港年輕人為何嫖妓？大學生指為尋求刺激滿足性幻想
記者於8月訪問了14名男大學生，受訪者強調未曾嫖妓，只是引述朋友或網友經驗，而原因大致與上述瑞典研究吻合，亦有人表示妓女類型選擇多，總可以找到符合自己幻想的理想女性。部分訪問內容節錄如下：
最主要係刺激，可能有人鍾意多過一個……叫雞你可以搵個36D，22腰，整晒容好靚嘅。可以直接滿足你夢想中嘅人物。Aaron例如女朋友唔可以玩手扣，佢哋就搵啲可以玩手扣皮鞭嗰啲。滿足到男人嘅控制慾、或者暴力，潛在內心嘅獸性……可能你女朋友比較「巴渣」，你就可以搵一個小鳥依人感覺嘅人。肥彭啲聲叫得好聽，或者個樣似初戀，靚啊呢啲啦……可能佢覺得同女朋友做嘅嘢，唔夠叫雞刺激掛。阿軒有人話拍拖煩，不如叫雞算……（女朋友）又要氹，不如解決性需要嚟得直接。Elton都會喺WhatsApp group分享吓，想炫耀掛。會附帶張圖啦，張圖通常都係黑暗嘅地方，睇得出係賓館酒店之類。又嚟喇又嚟喇，又可以開餐咁囉。Louis